ОШҚОЗОНМИ Ё ТОШҚОЗОН?!

 Хўрдани ҳам, бурдани ҳам бирдек паққос туширадиганларни халқимиз “ошқозони тошни ҳам хазм қиладиган”, деб таърифлайди. Хазил ўз йўлига, аммо чиндан ҳам тош, темир-терсак, шиша бўлакларини ейдиган одамларнинг борлиги ҳақиқат. Марҳамат, танишинг: 

                    Шишахўр Ван Сиянджунь

Маълумки, хитойликликлар, муболаға билан айтганда, “тиш ўтадиган” қарийб барча нарсаларни ейишади. Хитойнинг Сичуань провинциясида истиқомат қилувчи Ван Сиянджунни қўни-қўшниларидан кимдир дайди, кимдир масхарабоз, яна кимдир шайтон дейди. Сабаби, у 12 ёшидан бери лампочка истеъмол қилади. Ҳисоб-китобларга қараганда, шу пайтагача у еган лампочкалар сони 1 ярим минг донадан ортган. Ваннинг айтишича, мактабда ўқиб юрган пайтларида бир куни балиқ суягини ютиб юборади. Аммо унда ота-онаси хавотир олгандек ёмон холат кузатилмади. 12 ёшида эса у энди синган ойна бўлакларини ютиб юборади. Аммо бу сафар шиша синиқлари унга жуда хушхўр туюлади. Шундай қилиб, аста-секин нонушта менюсига бошқа шиша маҳсулотлари қўшилиб боради. Йиллар ўтиб, Ван Сиянджун “туппа-тузук шишахўр”га айланди-қолди.

                      Металлхўр Мишель Лотито

1950 йилда Франциянинг Гренобль шаҳрида дунёга келган Месье Лотито телешоулардаги антиқа чиқишлари билан одамларга танилади. Аниқроқ айтганда, у ҳеч нарсадан таъб тортмайдиган “иштаха”си бутун дунё оғзига тушади. Айниқса, у велосипедларни жуда ҳам яхши кўради. Айтишларича, у шу пайтга қадар 18 та велосипедни “паққос” туширган.      

Мешел еган “таомлар” ичида энг тўйимлиси кичкина «Сессна 150» самолёти бўлиб, уни тошқозон, йўғе ошқозон нақ икки йил, 1978-1980 йилларда хазм қилади. 

Жаноб Лотито 16 ёшида еббўлмас нарсаларни истеъмол қила бошлайди ва бундан яхшигина пул ҳам ишлаб олади. Аммо санъат махсус диеатани ҳам талаб қиларди. Шу боис у кунига 1 кг.дан ортиқ металл, пластика, резина ва ойна емасди. 

Ҳар бир овқатланиш олдидан у бир чашка минерал мой ва кўп миқдорда сув тайёр туриши шарт. Француз банан ва қайнатилган тухумни умуман ётирмайди. Маълум бўлишича, у 1959 йилдан 1997 йилгача тахминан 9 тонна металл истеъмол қилган.      

       Мишель Лотито 2007 йилнинг 25 июнида вафот этади.

                       "МЕЧКАЙ ТАРРАРЕ"

1.  Лион(Франция)лик бу инсон “очофат” деган насбатнинг айнан тирик намунаси деса бўлади. Оиласи унинг карнай иштахасидан жуда қийналишган. Инқилоб пайтида уни ҳарбий хизматга жўнатишиб, аранг қутулишди. Тарраре айнан армияда ақл бовар қилмас даражадаги иштаха билан тирик жонларни ейишни бошлади. 

    Умуман олганда, Тарраре ерда ёки деворда юрган ҳамма жонзотни ушлаб ерди.  Бир куни аскар госпиталга тушиб қолади. Доктор унинг иштахасини, қанча овқатни ея олиши мумкинлигини синовдан ўтказишни мақсад қилади. Бироқ уруш, етишмовчилик. Ноилож доктор мечкай аскарнинг хонасига тирик мушукни киритиб юборади. Тошни еб юборишга тайёр Тарраре, киприк қоқмай, бечора мушкуни “паққос” тушуради. Доктор хайратда. Кетидан кучуклар, калтакесак, илонларни олиб киради. Улар ҳам Тарраре учун ермак вазифасини ўтайди, холос.

  Айтиш керакки, бу мешполвондан армияда яхши фойдаланишди. Унга махфий маълумотлар жойлашган махсус идишни ютишни топширишади ва у буйруқни яхши адо этган. Бунақа қорин билан узоқ яшаш қийинлигини ҳамма яхши билади. Мечкай Тарраре 26 ёшда силдан вафот этди. Мутахассислар Тарраренинг ошқозонини текширишиб, ошқозони чиндан ҳам бошқаларникига қараганда каттароқ эканини ва ичи тўла яра эканини аниқлашди. Қолаверса, унинг ошқозонидан тилла санчқи ҳам топилади.